شكرا ليكم كلكم
يا رب ازاى اوصفك
يا رب قوللى انت مين
ملقيتش حد فى رقتك
وحنان ايديك الطيبين
ملقيتش حد فى حكمتك
ساعة ما نبقى مهزوزين
يا رب ياللى محبتك
عزت قلوب المجروحين
يا رب ياللى بقوتك
تهدى البحور الغدارين
يا رب قوللى انت مين انت مين
هو انت رحمة بدون حدود
وانت بتهد السدود
بايديك وتكسر فى القيود
لو شفت قلب فى يوم سجين
والا انت قلب كبير كبير
فيه رقة انعم مالحرير
دايما معانا فى المسير
جابر قلوب المكسورين
يا رب قوللى انت مين انت مين
هو انت جبار فى الحروب
ولا انت ستار للعيوب
ولا انت مفرح للقلوب
وقت الالم وقت الانين
ولا انت قوة وعنفوان
بتهز مملكة الشيطان
اول ما تنزل فى الميدان
الكل يسجد خاضعين
يارب قوللى انت مين انت مين